“Рома” юлдузлик касалига чалинган Дзаньолони “синдирмоқчи”!

Италиянинг  Gazzetta dello Sport, Leggo ва IL Messaggero каби етакчи нашрлари “Рома” раҳбариятининг жамоа юлдузи Николо Дзаньолога бўлган муносабати салбий томонга кескин ўзгарганини ёзмоқда.

Клуб раҳбариятига ўйинчининг ўзини тутиши ва оммавий ахборот воситаларига турли мазмунда интервью бераётгани ёқмаяпти.

Энди мутасаддилари ўйинчига янги шартнома таклиф қилмайди ва уни айтилган сумма тўланмагунча бошқа клубга ҳам қўйиб юбормайди. Хусусан, манбалар раҳбарияти Дзаньоло учун талаб қилинаётган бадал пулини 60 миллиондан 80 миллион еврога кўтаргани ҳақида маълумот тарқатмоқда.

Дзаньолонинг римликлар билан шартномаси 2024 йилнинг ярмигача давом этади.