"Roma" yarim himoyachisi yozda PSJga o‘tadi

"Roma" klubining markaziy yarim himoyachisi Kuadio Kone PSJning kuzatuv doirasida bo‘lib turibdi. Bu haqda "Corriere della Sera" nashri xabar bermoqda.

Manbaga ko‘ra, frantsiya grandi 23 yoshli xavbekni yozgi transferlar oynaida o‘z safiga qo‘shib olmoqchi. Qayd etilishicha, "Roma" o‘z futbolchisini qo‘yib yuborishni rejalashtirmayapti.

Joriy mavsumda Kone barcha turnirlarda 40 ta uchrashuvda qatnashib, 2 ta gol urdi va 3 ta golli uzatmani o‘z hisobiga yozdirib qo‘ydi.

Eslatib o‘tamiz, Konening "Roma" bilan tuzilgan amaldagi shartnomasi 2029 yilning yozigacha mo‘ljallangan. "Transfermarkt" ma’lumotlariga ko‘ra, futbolchining narxi 35 million evroni tashkil etadi.