"Рома" ушбу футболчисини "Тоттенхэм"га қанчага сотишини маълум қилди

Лондоннинг "Тоттенхэм" клуби "Рома" ярим ҳимоячиси Николо Дзаньолони ўз сафига қўшиб олишни режалаштирмоқда.

Sky Sports нашри тарқатган хабарга қараганда, “шпорлар” 22 ёшли италиялик футболчини жорий ёзги трансферлар давридаёқ сотиб олишни мақсад қилишган. Римликлар эса ушбу футболчини 50 миллион еврога баҳоламоқда.

Николо Дзаньоло ўтган мавсум "Рома" сафида жами 42 та ўйинда майдонга тушди ва  8 та гол ҳамда 9 та голли узатмага муаллифлик қилди. Унинг “бўрилар” билан амалдаги шартномаси 2024 йилга қадар мўлжалланган.

Эслатиб ўтамиз, бундан аввал Дзаньолога “Ювентус” ва “Милан” ҳам жиддий қизиқиш билдираётгани ҳақида хабарлар тарқалган эди.