“Рома” МЮ юлдузига қанча маош бериши маълум бўлди

“Манчестер Юнайтед” билан хайрлашган Неманья Матич “Рома” билан келишувга эришгани ҳақида хабар тарқатилди.

Corriere dello Sport нашрининг хабар беришича, сербиялик футболчи тез орада тиббий кўрикдан ўтиш учун Италия пойтахтига етиб келади.

Манба томонлар бир йиллик шартномага келишганини хабар қилмоқда. Унга кўра, 33 ёшли футболчи 4,2 миллион евро миқдорида маош олади. Агар томонлар келиша олса, ҳамкорликни яна бир йилга узайтириш имкони бор.

2017 йилдан бери “Манчестер Юнайтед”да ўйнаб келган Неманья Матич якунланган мавсумда 32 марта майдонга тушиб, тўртта голли пас узатди.