“Рома” бу ҳужумчи бўйича барча таклифларни рад этди

“Рома” раҳбарияти универсал ҳужумчи Николо Дзаньоло бўйича барча чорловларни рад этди, деб хабар тарқатди Италиянинг машҳур La Gazetta dello Sport нашри.

Аввалроқ, римликлар 23 ёшли футболчини 50-60 миллион еврога сотиб юборишга тайёр эди. Биринчилардан бўлиб, “Ювентус” Николони олиш учун курашни бошлади. Туринликлар ўйинчи учун римликларга бир неча футболчиларини ва маълум миқдорда маблағ таклиф қилди. Бироқ, “Рома” мутасаддилари Дзаньолони қўйиб юбормади.

Шунингдек, “Тоттенхэм” бош мураббийи Антонио Конте ҳам ҳамюртини Англия премьер-лигасига таклиф қилганди. Бироқ бу чорлов бўйича ишлар озирига етмай қолди.

Айни пайтда “Рома” Дзаньолонинг яна икки йил давом этадиган шартномаси янгилаш бўйича музокарага тайёргарлик кўрмоқда.