Рио Фердинанд: "МЮга ҳужумда тажрибали футболчи керак, Шешко эмас"

"Манчестер Юнайтед" клуби "РБ Лейпциг" форварди Беньямин Шешкони қайтадан диққат марказига олгани ҳақидаги хабарлар фонида, клуб афсонаси Рио Фердинанд ушбу трансферга қаршилигини билдирди.

"Менимча, "Манчестер Юнайтед" ҳозирги вазиятга эътибор қаратиши керак. Ҳозир клубга тажрибали ҳужумчи керак. Буни аввал ҳам айтганман.

Мен Шешкони ёмон футболчи демаяпман. Лекин МЮнинг ҳужум чизиғида Хойлунд, Зиркзе ва Оби-Мартин каби ёш, тажрибасиз ўйинчилар бор. Уларга қараб, "мана, ҳужумчи шундай ўйнаши керак" дейиш учун ўрнак бўладиган форвард керак.

Сиз тажрибаси етарли бўлмаган ўйинчини сотиб олаётганингизда, бу яна бир таваккалчиликдир. Бундай даражада бу қанчалик тўғри?" – дея ўз сўзини якунлади "қизил иблислар"нинг собиқ футболчиси.