Ringda hushidan ketgan bokschi biroz o‘tib vafot etdi

40 yoshli nigeriyalik Gabriel Olusegun Olanrevadju yarim og‘ir vazn toifasida ganalik Jon Mbanuguga qarshi jang qildi. Biroq 3-raund davom etayotgan bir paytda Gabriel to‘satdan hushini yo‘qotdi.

Unga, tezkorlik bilan birinchi yordam ko‘rsatilgach, darhol Korle-Bu kasalxonasiga olib ketildi. Biroq oradan yarim soat o‘tgach bokschining vafot etgani e’lon qilindi. Bu haqda BBC xabar bermoqda.

Ma’lumot uchun, bu jang Olusegunning faoliyatidagi 24-jangi bo‘lishi kerak edi. Bu vaqtgacha u 13 marta g‘alaba qozongan va sakkiz bor mag‘lubiyat alamini totib ko‘rgan, shuningdek, ikkita jangni durang bilan yakunlagan.