Рибери "Олтин тўп"га қайси футболчи лойиқ эканлигини айтди

"Бавария" ва Франция терма жамоасининг собиқ ҳужумчиси Франк Рибери "Олтин тўп" учун қайси футболчининг имкониятлари юқори эканлигини айтди.

Рибери Тошкентга ташрифи чоғида журналистларнинг бир нечта саволларига жавоб берди. "Олтин тўп" соврини ҳақидаги саволга ҳам тўхталиб ўтилди.

- "Олтин тўп"ни қўлга киритилган мукофотлар, эришилган ютуқлардан ташқари, сифатли ўйин кўрсатганлигини ҳам инобатга олиб беришса ёмон бўлмасди. Бу йилги мавсумда "Олтин тўп"ни олишга Усмон Дембеле кўпроқ ҳақли деб ўйлайман, деди Чемпионлар лигаси ғолиби.

Маълумот учун, "Олтин тўп"нинг жорий йилги ғолиби 22 сентябрь куни аниқланади.