“Реал”нинг уч юлдузини биттада оламиз!

Бу мавсум ҳам Англия чемпионлиги учун курашда мақсадига ета олмаган “Арсенал” ёзда таркибини жиддий тарзда кучайтиришга қарор қилди.

“Канонирлар” аввалги икки мавсумда “Манчестер Сити”ни олдинга ўтказиб юборган эди. Жорий мавсум “Ливерпуль” Микель Артета жамоасини ортда қолдириб кетди.

Fichajes нашрининг маълум қилишича, “Арсенал” раҳбарияти “Реал”нинг учта машҳур ўйинчисини нишонга олган. Улар ёзда Родриго Гоэс, Эдуардо Камавинга ҳамда Арда Гюлерни  олишга уриниб кўради.

Микель Артета Эдуардо Камавинга ёрдамида майдон марказини кучайтиришни кўзлаяпти. Испаниялик мураббийга франциялик футболчининг тактик жиҳатдан универсал футболчи экани маъқул келган.

Родриго эса, ҳали ёш бўлишига қарамай, катта ўйинларни кўрган ва бой тажриба эгаси ҳисобланади. 20 ёшли Арда Гюлерга мадридликлар етарли даражада ўйин амалиёти бермаяпти. Турк футболчиси “Арсенал”да нималарга қодирлигини кўрсатиб қўйиши мумкин.