“Реал”ни ютиш жонингизга тегмадими, жаноб Лапорта?

Испания чемпионатининг ўнинчи турида Ла Лиганинг энг муҳим учрашуви ўтказилади. “Эл-класико”да мамлакатнинг амалдаги чемпиони “Барселона” Мадридда жорий мавсум пешқадами “Реал” меҳмони бўлади.

Каталония супер клуби хўжайини бўлажак учрашув олдидан Mundo Deportivo нашри журналистларининг “Жамоангиз “Реал”ни ютишини томоша қилавериш жонингизга тегмадими?”, деган саволга жавоб берди.

- Йўқ , мени буни кузатишдан ҳеч қачон чарчамайман. “Барселона”нинг ғалабаларини кузатиш биз ва мухлисларимиз учун спорт мусобақалари чегарасидан ташқарига чиқадиган ҳиссиётдир. Бу тўқнашув рақобатнинг максимал даражада экани билан изоҳланади. Бу ажойиб ҳолат, - деди Хосеп Гвардиола.

Эслатиб ўтамиз, ўтган мавсум испан футболининг грандлари ўзаро тўрт маротаба тўқнаш келди. Барча учрашувлар каталонияликларнинг ғалабаси билан якунланди. “Барселона” футболчилари ўтган мавсумдаги тўртта ўйинда умумий ҳисобда мадридликларга 16 та гол уриб, ўз дарвозасидан еттита тўп ўтказиб юборган.