“Real”da o‘ynagan futbolchi ortga qaytdi

2013 yili “Real”dan “Napoli”ga o‘tib ketgan hujumkor yarim himoyachi Xose Kalexon etti yillik ayriliqdan so‘ng, yana vataniga qaytadigan bo‘ldi.

Tajribali futbolchi “Vilyarreal” bilan kelishuvga erishdi va bor mahoratini La Ligada ko‘rsatadigan bo‘ldi.

Kalexon Italiya chempionatida jami 336 ta uchrashuv o‘tkazib, gol+pas sistemasi bo‘yicha jami 140 ochko to‘plagan. Uning neapolliklar bilan shartnomasi yakunlangani bois, “Vilyarreal” safiga erkin agent sifatida qo‘shildi va ikki yillik shartnoma imzoladi.