“Реал” юлдузи ўзига Англиядан клуб сотиб олади

“Реал” юлдузи Лука Модрич футболга сармоя киритишга қарор қилди. Хорватиялик “Олтин тўп” соҳиби Англия Чемпионшипида иштирок этаётган “Суонси” клубини хўжайинлари қаторига қўшилади.

Бу ҳақда таниқли журналист Фабрицио Романо хабар берди. Манбага кўра, 39 ёшли футболчи клуб акцияларининг бир қисмини сотиб олади.

Айни пайтда харидлар бўйича музокаралар ижобий якунланиш арафасида. Модрич клуб эгаларидан бирига айланса-да, бу омил унинг “Реал”даги ҳолатига таъсир қилмайди. Тажрибали плеймейкер испан грандидаги фаолиятини давом эттиришни истаяпти.

Таъкидлаш жоизки, Англия чепионати Модричга бегона эмас. Лука 2008-2012 йиллари “Тоттенхэм” шарафини ҳимоя қилган ва кейин Мадридга кўчиб ўтган.

“Суонси” клуби 113 йиллик тарихга эга. Бу клуб 1912 йили ташкил этилган.