“Real”: Uning bir o‘zi uch futbolchiga teng

“Real” rahbariyati jamoaning eng yoshi katta o‘yinchisi – Luka Modrichning o‘rnini bosa oladigan futbolchi topdi. Madridliklarga “Napoli”da o‘ynayotgan Fabian Ruis nomzodi ma’qul bo‘ldi, deb xabar bermoqda Calciomercato sayti.

“Qirollik klubi” vakillari Ruisni yozda xarid qilmoqchi. Madridliklar Fabian yaqin kelajakda jamoaning etakchisiga aylanishi va ayni paytda yoshi 30 dan o‘tgan Luka Modrich, Toni Kroos va Kazemironing o‘rnini bosishi mumkinligiga ishonmoqda.

25 yoshli futbolchi joriy mavsumda 25 ta uchrashuvda qatnashib, oltita gol va uchta golli pas muallifi bo‘ldi.