“Real” uch futbolchidan voz kechdi

“Real” bosh murabbiyi Karlo Anchelotti ham kelasi mavsum uchun tarkibni jangovar ko‘rinishga olib kelmoqchi.

Ma’lumotlarga qaraganda, “Qirollik klubi” murabbiylar shtabi ishonchini qozona olmagan o‘yinchilarni sotib yuboradi. Ketadiganlar ro‘yxatiga yana uch futbolchi kiritildi.

- Madridliklar yozda Ferlan Mendi, Alvaro Odriosola va Xesus Valexoni transferga qo‘yadi. Ular shu yoz ichi sotib yuborilishi kerak, - deb yozmoqda taniqli jurnalistMario Kortexan.

Transfermarkt portalidagi ma’lumotlarga ko‘ra, Ferlan Mendining narxi 25 million evroni tashkil qiladi. Odriosola va Valexo portal ekspertlari tomonidan mos ravishda 5 va 2 million evroga baholanmoqda.