"Реал" тарбияланувчисини Хитойга чорлашмоқда

“Наполи” клуби вингери Хосе Кальехон фаолиятини Хитойда давом эттириши мумкин.

Италия нашрларининг ёзишича 32 ёшли испаниялик футболчига "Далянь Ифан" клубидан жиддий таклифлар бўлмоқда. Аниқроғи, хитойликлар унга 3 йиллик шартнома ва йилига 10 млн евро ваъда қилишмоқда.

Таъкидлаш керакки, "Далянь Ифан" клубини айни дамда испаниялик машҳур мутахассис Рафаэль Бенитес бошқармоқда. Айнан унинг ўзи Кальехонга шахсан қизиқмоқда.

Маълумот учун, “Реал” Мадрид клуби тарбияланувчиси ҳисобланган Хосе Кальехоннинг “Наполи” билан амалдаги шартномаси келгуси ёзда ўз ниҳоясига етади. Унинг трансфер нархи эса 20 млн еврога баҳоланмоқда.