“Реал” суперталантдан умидини узгани йўқ

“Байер”дан кетишга тайёргарлик кўраётган Флориан Вирц муҳим қарор қабул қилиши керак. 22 ёшли плеймейкер фаолиятини давом эттириш учун ўзига муносиб жамоа танлаши шарт.

Европанинг бир неча грандлари назарида турган ўйинчи қатор клублар билан музокара ўтказмоқда. Ҳозиргача, германиялик юлдуз “Байер” ва “Манчестер Сити”га рад жавобини бериб бўлди.

AS нашрининг ёзишича, Вирц учун курашда”Ливерпуль” фаворит. Бу жамоа бош мураббийи Арне Слот тақдим қилган лойиҳа Флорианга ҳам маъқул келган.

Бироқ “Реал” суперталантни қўлдан чиқармоқчи эмас. “Байер”да Вирцга устозлик қилган Хаби Алонсо бу ўйинчини Мадридда тўп тепишини истаяпти.

“Қироллик клуби” мутасаддилари немис футболчиси билан музокараларда Хаби Алонсо ўйинчини кўндиришда муҳим омил бўлишига ишонмоқда.