“Реал” Роналдудан юз ўгирди

ФИФА шафеълигида ташкил этилган клублар ўртасидаги жаҳон чемпионатидан олдин, 15 июнь куни бошланадиган ушбу турнирда иштирок этадиган бир неча клублар “Ан-наср” билан шартномаси тугаётган Криштиану Роналдуни ўз таркибига қўшиб олмоқчи бўляпти.

40 ёшли тўпурарга даъвогарлар қаторида “Реал” ҳам бор эди. Мадридлик мухлислар клуб раҳбариятидан Роналдуни мусобақага жалб қилишни талаб этмоқда.

Бироқ журналист Пакохо Дельгадонинг аниқлик киритишича, “Қироллик клуби” хўжайинлари португалиялик юлдузни жамоага қайтармасликка қарор қилганини расман эълон қилди. Мухлислар талабига қарамай, бу қарор ўзгармайди.

Роналдунинг “Ан-Наср” билан шартномаси 30 июнда тугайди. Томонлар музокара ўтказаётган бўлса-да, унинг ижобий якунланишини ҳеч ким кафолатламайди.

Криштиану 2009-2018 йиллар давомида “Реал” шарафини ҳимоя қилган ва клуб тарихидаги энг зўр тўпурарлардан бири ҳисобланади. У мадридликлар сафида барча турнирларда 438 та учрашувда майдонга тушиб, 450 та гол ва 131 та ассист муаллифи бўлган.