“Реал”: Ўйнамасанг, январда кетасан!

“Реал” раҳбарияти жамоага умуман фойдаси тегмаётган 30 ёшли чап қанот ҳимоячиси Ферлан Менди билан хайрлашиш борасида бир қарорга келгани ҳақида хабар чиқди.

Франциялик футболчи узоқ муддатдан бери жароҳатини даволанаш билан банд ва апрель ойидан бери бирор маротаба майдонга тушгани йўқ.

 Fichajes нашрининг ёзишича, “Қироллик клуби” мутасаддилари Ферлан Мендига огоҳлантириш берди. Унга кўра, тажрибали ўйинчи қисқа фурсатда жисмоний тайёргарлигини маромига етказиб олмаса, клуб 2026 йил бошидаёқ унинг шартномасинибекор қилади.

Ферлан Менди Мадридга 2019 йили “Лион”дан келган. Аввалги бош мураббий Карло Анчелотти ҳимоячининг шартномасини 2028 йилнинг ёзигача узайтиришга эришган эди. Менди ҳозиргача мадридликлар жамоасида барча турнирларда 201 та учрашувда майдон тушган.