"Real" muxlislari uchun xushxabar!

"Real"ning germaniyalik yarim himoyachisi Toni Kroos qorin bo‘shlig‘ining surunkali jarohatidan davolanishni davom ettirmoqda.

MadridistaReal tarqatgan xabarga qaraganda, Kroos bugun uzoq vaqtdan buyon ilk bor umumiy guruh mashg‘ulotlarida qatnashgan. Qayd etilishicha, u mashg‘ulotlarning faqat bir qismini jamoa bilan o‘tkazgan, qolgan vaqt alohida shug‘ullangan.

Manbaga ko‘ra, Karvaxal, Mendi, Beyl, Sebalos va Marselo kabi futbolchilar hali ham to‘liq tiklanmagan. Ular mashg‘ulotlarni trenajyor zalida o‘tkazishmoqda.

“Real” navbatdagi uchrashuvini 26 sentyabr kuni o‘z maydonida “Vilyarreal”ga qarshi o‘tkazadi.