"Real" muxlislari uchun xushxabar!

"Real" qanot himoyachisi Daniel Karvaxal jarohatidan to‘liq tiklandi va La Liga doirasidagi "Levante"ga qarshi bahsda jamoasiga yordam berishga tayyor. Bu haqda "qirollik klubi" matbuot xizmati yozmoqda.

Ispaniyalik futbolchi "Alaves"ga qarshi dastlabki tur va Evro-2020 musobaqasini, qolaversa, o‘tgan mavsum yarmini o‘tkazib yuborgan edi. "Real" – "Levante" o‘yini bugun Toshkent vaqti bilan 01:00da boshlanadi. 

2020/21 yilgi mavsumda Karvaxal 13 uchrashuvda maydonga tushib, 4 ta golga assistentlik qilgan. Uning "qaymoqranglilar" bilan amaldagi shartnomasi 2025 yilning yoziga qadar mo‘ljallangan.