"Реал" мухлислари учун хушхабар!

"Реал" бош мураббийи Карло Анчелотти ярим ҳимоячи Эдуардо Камавинганинг қачон сафга қайтишини маълум қилди.

Тиззасидан олган жароҳати туфайли 21 ёшли хавбек ноябрь ойининг ўрталаридан бери майдонга тушмаяпти.

"Камавинга келаси ҳафта сафга қайтади", - деди Анчелотти матбуот анжуманида журналистларга. “Реал” Испания чемпионатидаги навбатдаги ўйинини 3-январь, чоршанба куни ўз майдонида "Мальорка"га қарши ўтказади.

Айни пайтда "қироллик клуби" "Жирона" билан бирга Ла Лига турнир жадвалида пешқадамлик қилмоқда. Иккала жамоада ҳам 45 очкодан бор.