“Real” Modrich o‘rniga Angliyaning eng kuchli futbolchisini olib keladi

“Real” yoshi o‘tib qolgan Luka Modrich bilan xayrlashishga tayyor. Xorvatiyalik futbolchining amaldagi shartnomasi yozda tugaydi va unga boshqa bitim berilmaydi.

38 yoshli pleymeyker Saudiya Arabistoni yoki AQShga ketishi mumkinligi aytilmoqda. Madridliklar esa, unga o‘rinbosar topib qoydi.

Todofichajes nashrining yozishicha, “Qirollik klubi” ayni paytda “ARsenal”da o‘ynayotgan Deklan Raysni nishonga olgan. Rays maydon markazini ushlab turishda Angli Premer-ligasida tengsiz o‘yinchi hisoblanadi.

“Vest Xem” o‘z tarbiyalanuvchisini uzoq vaqt grand klublarga bermadi. Biroq o‘tgan yili yozda “kanonirlar” ularni transferga ko‘ndirdi va Rays uchun 116,6 million evro to‘ladi.

Agar “Real” futbolchini olishni istasa, bundan ko‘proq xarajat qilishi kerak. Chunki 24 yoshli yarim himoyachi yangi jamoasi bilan besh yillik shartnoma tuzgandi.