"Реал Мадрид" ва "Барселона" "Леванте" футболчиси учун курашмоқда

"Леванте" таркибида ҳозирда сермаҳсул ўйин кўрсатётган ҳужумчи Этта Эйонг мавсум тугагандан сўнг ўз жамоасини алмаштириши мумкин.

 "Mundo Deportivo" нашрининг берган маълумотлариҳа кўра, форвардга ҳозирда "Реал Мадрид" ва "Барселона" клублари қизиқиш билдирмоқда. Шунингдек  камерунлик футболчининг хизматларидан АПЛдан "Манчестер Сити", "Арсенал" ва "Манчестер Юнайтед" ҳам фойдаланишни истамоқда.  22 ёшли ҳужумчи январь ойидаёқ жамоасини алмаштиришни хоҳламоқда. Бироқ унинг кетиши катта эҳтимол 2026 йилги мундиалдан кейин содир бўлади. 

Этта Эйонгнинг ҳозирда "Трансфермаркт"даги нархи 20 миллион еврони ташкил этади. "Леванте" билан футболчининг амалдаги шартномаси 2029 йилгача мўлжалланган.  

Эслатиб ўтамиз, камерунлик форвард жорий мавсум "Леванте" сафида жами 10 та ўйинда майдонга тушиб, 6 та гол киртиган ва 3 та голли узатмани амалга оширган.