“Real” jahon chempionini oladigan bo‘ldi

“Real” mutasaddilari tarkibni kuchaytirish maqsadida yangi nomlarni o‘rganib chiqmoqda.

ESPN nashrining yozishicha, madridliklar bu gal “Tottenxem” himoyachisi Kristian Romeroni nishonga oldi.

Argatinalik futbolchi “Tottenxem”da 2021 yildan beri to‘p tepyapti. Hozirgacha 98 ta uchrashuvda maydonga tushgan Romero himoyadagi vazifalarini bajarishdan tashqari, oltita gol urishga ham erishgan.

2022 yili Argentina terma jamoasi safida jahon chempioni bo‘lgan Kristian Romero 60 million evroga baholanmoqda.