"Реал" германиялик ярим ҳимоячини жамоага олиб келмоқчи

"Реал Мадрид" Ангело Штиллерга қизиқиш билдирмоқда. Бу ҳақда "Marca" нашри хабар бермоқда.

Манба журналисти Хосе Фелиш Диаснинг маълум қилишича, "Штутгарт" ва Германия миллий терма жамоасининг марказий ярим ҳимоячиси "Қироллик клуби" эътиборини тортган ярим ҳимоячилар рўйхатига киритилган.

Футболчининг нархи тахминан 40 миллион евро атрофида бўлиши таъкидланмоқда. Аввалроқ, Штиллерга "Барселона" ва "Арсенал" клубларининг қизиқаётгани ҳақида хабарлар тарқалган эди.

Маълумот учун, хавбек Бундеслиганинг жорий мавсумида 32 та ўйинда 1 та гол уриб, 8 та голли узатмани амалга оширди.