"Real" futbolchisi uzoq muddatga safdan chiqdi

"Real" klubi hujumkor yarim himoyachisi Garet Beyl uzoq muddatga safdan chiqdi. 

32 yoshli uelslik futbolchi "Selta"ga qarshi bahs oldidan mashg‘ulotlarda jarohat olgan. U bugun tibbiy ko‘rikdan o‘tkazildi va Garetning o‘ng sonida jiddiy shikastlanish aniqlandi. 

"Marca" nashrining xabar berishicha, Beyl "qirollik klubi"ning oldindagi 6 ta uchrashuvini o‘tkazib yuboradi. U oktyabr oyining o‘rtasida safga qaytishi kutilmoqda. 

Eslatib o‘tamiz, 32 yoshli Uels terma jamoasi a’zosi ushbu mavsum La Liganing 3 o‘yinida 1 ta gol urishga muvaffaq bo‘ldi.