“Реал”: 100 миллион еврога олишга арзийдиган фақат битта ярим ҳимоячи бор!

Янги мавсум олдидан таркибини кучайтиришни давом эттираётган “Реал” яна бир катта трансферни амалга оширишга ҳозирлик кўрмоқда.

Sport Witness ва Mundo Deportivo нашрлари “Қироллик клуби”нинг навбатдаги нишони “Олтин тўп”нинг амалдаги соҳиби Родри экани ҳақида маълумот тарқатди.

“Реал” раҳбарияти бугунги кунда 100 миллион евро тўлашга арзийдиган биргина ярим ҳимоячи Родри эканини таърифлаб, испан футболчиси учун айнан мана суммани тикмоқчи.

Шунга қарамай, “Қироллик клуби” мутасаддилари 29 ёшли юлдузни “Манчестер Сити”дан олиш жуда қийин масала эканини ҳам тан олди. Родрининг ўзи эса, ўтган йили “Реал”дан келадиган таклиф унинг танловини ўзгартириши мумкинлигини билдирган эди.