"Реал", "Барселона" ва "Ювентус"нинг Чемпионлар лигасидаги тақдирига қачон ойдинлик киритилади?

УЕФА "Реал ", "Барcелона" ва "Ювентус"ни Европа Суперлигасини яратишга урингани учун жазоламоқчи.

Eurosport нинг La Repubblica нашрига асосланиб хабар беришича, ушбу уч жамоани Чемпионлар лигасидан бир ёки икки мавсумга четлатиш режалаштирилмоқда. Бу масалада ҳақда ташкилот келаси ҳафта бошида қарор қабул қилиши мумкин.

Бундан аввалроқ УЕФА "Ювентус", "Барселона" ва "Реал" клубларини катта миқдорда жаримага тортмоқчи экани ва ўз навбатида клублар бу борада Спорт арбитраж судига УЕФА устидан арз қилишга тайёр эканлиги ҳақида хабарлар тарқалган эди.

Эслатиб ўтамиз, барбод бўлган Европа Суперлигаси ғояси “Реал” президенти Флорентино Перес ҳамда “Ювентус” президенти Андре Аньелли томонидан ўйлаб топилган.