Rasman! "Yuventus" 19 yoshli "Atalanta" futbolchisi bilan shartnoma imzoladi

"Atalanta" klubi yarim himoyachisi Deyan Kulushevski "Yuvenutus"ga ko‘chib o‘tdi. Bu haqda turinliklar rasmiy sayti xabar bermoqda.

Unga ko‘ra 19 yoshli futbolchi "keksa sinora" bilan 2024 yilga qadar shartnoma imzolagan. “Yuventus” uning transferi uchun “Atalanta”ga 35 mln evro to‘lagan. U endi mavsumning qolgan qismini ijara asosida “Parma”da o‘tkazadi.

Ma’lumot uchun, Kulushevski bu mavsum A Seriyada 17 ta o‘yinda maydonga tushdi va 4 ta gol hamda 7 ta golli uzatma yozdirib qo‘yishga erishdi.