Расман! МЛС клуби яна бир Италия терма жамоаси аъзоси билан шартнома имзолади

Федерико Бернардески МЛСга кўчиб ўтадиган бўлди. 

28 ёшли Италия терма жамоаси аъзоси "Торонто" клуби билан 2026 йилга қадар мўлжалланган шартномага имзо чекди. Ҳужумкор ярим ҳимоячи "Ювентус"ни эркин агент сифатида тарк этди. "Кекса сеньора" у билан шартномани узайтиришни истамаганди. 

Аввалроқ, Канада клуби яна икки Италия терма жамоаси аъзоси Доменико Кришито ва Лоренцо Инсинье билан шартнома имзолаганди. 

Ўтган мавсумда Бернардески А Серия доирасида 28 та учрашувда майдонга тушиб, 1 та гол уришга муваффақ бўлган.