Расман! "Манчестер Сити"нинг собиқ ҳужумчиси Ла Лига гранди билан шартнома имзолади

"Манчестер Сити" ва "Лестер" клубларининг собиқ ҳужумчиси Келечи Ихеаначо фаолиятини Испания чемпионатида давом эттиради. "Севилья" ўз саҳифаларида нигериялик футболчи билан шартнома имзолаганини эълон қилди.

Манбага кўра, томонлар ўртасидаги келишув икки йилга мўлжалланган бўлиб, меҳнат шартномасида уни яна бир мавсумга узайтириш имконияти ҳам белгиланган.

Эслатиб ўтамиз, Ихеаначонинг сўнгги клуби "Лестер" ҳисобланади. Футболчи “тулкилар” сафида 232 та ўйин ўтказган ва бу ўйинларда рақиблар дарвозасини 61 марта ишғол қилган ҳамда 34 та голли узатмани амалга оширган. Унинг “Лестер” билан амалдаги шартномаси 1 июлда ўз ниҳоясига етди ва у янги клубига эркин агент сифатида келиб қўшилди.

“Севилья” ўтган мавсумда Ла Лигани 14-ўринда якунлади ва еврокубокларга йўлланма ололмади.