Расман! Маҳмуд Мурадов "Октагон" билан шартнома имзолади (фото)

Собиқ UFC жангчиси Маҳмуд Мурадов янги промоушен билан шартнома имзолади.

Бу ҳақда у ўзининг Инстаграм саҳифасида маълум қилди. Унга кўра, Маҳмуд Чехиянинг "Октагон" промоушени билан шартнома имзолади.

Эслатиб ўтамиз, ҳамюртимиз ўтган ойда UFC реестиридан ўчирилганди ва унга яна бир қанча промоушенлардан таклифлар борлиги маълум эди.

Маълумот ўрнида, "Октагон" промоушенида Маҳмуд аввал жанглар ўтказган. Ҳамюртимизга ушбу лигада ҳам омад тилаймиз ва тезроқ топ промоушенларга қайтишини тилаб қоламиз.