Расман! Луис Суарес "Атлетико" билан шартнома имзолади ва қайси рақамда ўйнаши маълум бўлди (Фото)

"Барселона"дан "Атлетико"га кўчиб ўтган Луис Суарес бугун мадридликлар билан шартнома имзолади. Бу ҳақда клуб матбуот хизмати хабар берди.

Манбанинг маълум қилишича, уругвайлик форвард "матрасчилар" сафига эркин агент бўлиб қўшилди. Лекин каталонияликлар Суареснинг ютуқларига қараб, унинг ортидан 6 миллион евро бонус ишлаб олишлари мумкин. Луис "Атлетико" билан 2 йиллик битим тузди. Ҳужумчи янги жамоасида ҳам 9-рақамда ўйнайди.

Унинг дебюти шу ҳафта охирида бўлиб ўтадиган "Гранада"га қарши баҳсда бўлиши кутилмоқда.