Rasman! "Lion" futbolchisi APL klubiga ko‘chib o‘tdi

"Lion" himoyachisi Kenni Tete "Tumanli albion"ga ko‘chib o‘tdi.

"Fulxem" klubi 24 yoshli futbolchi bilan 4 yillik shartnoma imzolaganini rasman ma’lum qildi. Shuningdek, tomonlar roziligiga ko‘ra, bitim muddati yana 1 yilga uzaytirilishi mumkin. Niderlandiyalik fulbek yangi jamoasi safida 2-raqamda harakat qiladi.

Tete ortda qolgan mavsum "sherlar" tarkibida 10 ta o‘yinda maydonga tushgan va klubining Chempionlar Ligasi kuchli to‘rtligidan o‘rin olishiga munosib hissa qo‘shgan edi.