Расман: Кристиан Москера — "Арсенал" футболчиси!

Лондоннинг "Арсенал" клуби "Валенсия" ҳимоячиси Кристиан Москерани ўз сафига қўшиб олганини эълон қилди. 21 ёшли футболчи билан узоқ муддатли шартнома имзоланди.

Трансфер учун "канонирлар" 15 миллион евро тўлагани айтилмоқда, бонуслар билан бирга сумма 20 миллион еврога етиши мумкин.

Москера ўтган мавсумда Ла Лиганинг 37 учрашувида иштирок этиб, 1 гол урган.

"Тўпчилар" жорий трансферлар ойнасида Зубименди ва Мадуэке каби футболчиларни жалб қилди.