Расман! Икром Алибоев Ўзбекистон чемпионатига қайтди

Икро Алибоев Ўзбекистон чемпионатига қайтди. Футболчи "Нефтчи" билан шартнома имзолаганини клуб расмий саҳифаси орқали маълум қилмоқда. 

Алибоев бундан олдин Жанубий Кореянинг "Соннам" жамоасида ҳаракат қилди. Унинг клуби билан шартномаси 2026 йилнинг январигача эди, лекин футболчи битимни бекор қилиб, Ўзбекистонга қайтди. 

Алибоев шу пайтгача "Локомотив" ва "Пахтакор" жамоаларида тўп тепган. Шу билан бирга, "Сеул", "Тэджон" ва "Канвон"да ҳам ҳаракат қилди. 

Алибоев фаолияти давомида Суперлигада 102 та ўйинда майдонга тушган бўлиб, 10 та гол урган ва 6 та ассист амалга оширган.