Rasman! "Bavariya" Erik Dayer transferini e’lon qildi

Rasman Erik Dayer "Bavariya" futbolchisiga aylandi. Bu haqda klub matbuot hizmati ma’lum qildi. 

Myunxenliklar himoyachini sotib olish bandi bilan 6 oylik ijara asosida o‘z safiga qo‘shib oldi. U yangi jamoasi tarkibida 15-raqam ostida harakat qiladi. Shuningdek, futbolchida Germaniya klubi bilan shartnomasini yana bir yilga uzaytirish imkoniyati ham bor. 

Dayer 2014 yilda "Sporting"dan "Tottenxem" klubiga ko‘chib o‘tgandi. Oradan deyarli 10 yil o‘tib, u Londonni tark etmoqda. Avvalroq, "shporlar" Radu Dregushin transferini e’lon qilgandi.