Расман! Азиз Амонов собиқ клубига қайтди

Биринчи даврани 14-ўринда якунлаган "Бухоро" иккинчи давра учун таркибини кучайтирмоқда.

Куни кеча "Нефтчи"ни тарк этган Тома Табатадзе "Бухоро"га ўтган бўлса, бу сафар "Бунёдкор"да ўйнаган ҳужумчи Азизбек Амонов "Бухоро" аъзосига айланди. Эътиборлиси, у 2020 йилда ҳам "Бухоро" шарафини ҳимоя қилган.

Клуб матбуот хизмати ушбу ўйинчи билан шартнома имзоланганини эълон қилди.

1997 йилнинг 30 октябрь санасида таваллуд топган Амонов бунга қадар "Локомотив", "Бухоро" "Истиқлол" (Эрон), "Насаф", "Хор Факкан" (БАА), "Нефтчи" ва "Бунёдкор"да тўп сурган.

Биринчи даврада Амонов "Бунёдкор" сафида 14 та ўйинда майдонга тушди.