Раҳбарият Ямал туфайли “Барса” ва Испания терма ўртасида чиққан зиддиятга муносабат билдирди

Испания Қироллиги футбол федерацияси (RFEF) раҳбари Рафаэль Лусан Ламин Ямал туфайли “Барселона” ва Испания терма жамоаси ўртасида юзага келган зиддиятга муносабат билдирди.

Гап шундаки, “Барселона” бош мураббийи Ханс-Дитер Флик сентябрь ойидаги йиғинлардан кейин Испания терма жамоаси мураббийлар штаби футболчиларнинг саломатлигини хавф остида қолдираётганини таъкидлаган эди. Германиялик мутахассисга Ламин Ямал ўзини ноқулай сезаётганига қарамай, халқаро учрашувларга жалб этилаётгани ёқмаяпти.

Испания терма жамоаси бош мураббийи Луис де ла Фуэнте Ламин Ямални октябрь ойидаги йиғин ва учрашувларга жалб қиладиган бўлди. Футболчи саломатлигидаги муаммолар туфайли уни бу гал терма жамоага чақирмасликни сўраган.

- “Барселона” буюк клуб ва биз ҳаракатларимизни улар билан мувофиқлаштирамиз. Биз атрофда юзага келаётган миш-мишлар ва тортишувларга эътибор қаратмаслигимиз керак, аксинча, вазтятга тўғри баҳо бериш муҳим.

Агар тиббий хулосалар муаммо борлигини аниқ кўрсатса, буни инобатга олиш лозим. Энг муҳими, Испания эркаклар ва аёллар терма жамоалари жаҳон рейтингида биринчи ўринда турганидир. Менга тинчлик ва хотиржам муҳит ёқади, - деди Рафаэль Лусан.