Қозоғистонлик таниқли боксчи Фируза Шарипова профессионал ММА'да дебют қилади. Жанг санаси ва рақиб аниқ бўлди (постер)

27 ёшли қозоғистонлик боксчи Фируза Шарипова илк бора октагонда жанг ўтказади. У ўз дебютини 30 июль куни Қозоғистоннинг Нур-Султан шаҳрида ташкил этиладиган "Alash Pride 75" турнири доирасида россиялик Карина Ондасиновага (2-0) қарши ўтказади.

Эслатиб ўтамиз, Шарипова профессионал боксда 16 та жанг ўтказиб, 14 тасига ғалабага эришган. Ўзининг охирги жангида мутлақ жаҳон чемпиони Кэти Тейлорга имкониятни бой берган эди.