Қўқондаги мусобақа давом этади. Ярим финалчилар маълум бўлди

Қўқон шаҳридаги “Аҳмадхон” спорт мажмуасида бўлиб ўтаётган “Қўқон – ўзбек футболининг ватани” деб номланган хотира турнири кундан-кунга қизиб бормоқда. Мусобақада 26-апрел куни чорак финал ўйинлари бўлиб ўтди. Жума кунги қулай об-ҳаво футбол мухлислари учун учрашувлардан янада кўпроқ завқ олишга имкон яратди. Футболчилар ҳам мусобақадаги иштирокларини давом эттириш учун бор куч-ғайратларини ишга солишмоқда. Энг асосийси ўйинлар ҳалол курашлар остида давом этмоқда. Жамоалар бир-бирларига ўзаро ҳурмат сақлаган ҳолда ўйинларда иштирок этишмоқда.

Сизларни чорак финал ўйинларининг натижалари билан таништирамиз.

“Спартак” – “Фахрийлар-2”        3-2

“1980 ” – “Прогресс”                  1-3

“Афғонбоғ” – “Фахрийлар-1”     2-6

“40 йиллик” – “Шаҳар”               2-4

Шундай қилиб мусобақада энг кучли тўрт жамоа номи маълум бўлди.
27-апрел куни бўлиб ўтадиган ярим финал ўйинларида қуйидаги жамолар майдонга тушишади.

“Спартак” – “Фахрийлар-1”     Соат 17-00 да бошланади

“Прогресс” – “Шаҳар”              Соат 18-00да бошланади

Футбол ишқибозларини қизиқарли ва шиддатли бўлиши кутилаётган футбол учрашувларига таклиф қиламиз. Ҳа айтганча “Аҳмадхон” спорт мажмуасига келаётган футбол мухлисларининг сони кундан-кунга ортиб бораётганини алоҳида айтиб ўтишимиз лозим. Қуйида эса чорак финал ўйинларидан тайёрланган фотогалареямизни эътиборингизга тақдим қиламиз.

Акрамжон Мамадалиев тайёрлади.