"Qo‘qon-1912" legioneri bilan shartnomani bekor qildi

O‘tgan mavsumni pro ligada o‘tkazgan va pley-off orqali Superliga yo‘llanmasini qo‘lga kiritgan “Qo‘qon-1912” selektsiya ishlarini davom ettirmoqda.

Klub matbuot xizmatining xabar berishicha, legioner futbolchisi – Sergey Petrov bilan ikki tomonlama kelishuvga ko‘ra o‘rtadagi shartnoma bekor qilindi.

Petrov qo‘qonliklar tarkibida 20 ta uchrashuvda qatnashib, maydonda 1471 daqiqani o‘tkazdi va raqiblar darvozasiga 4 ta gol urdi.

Yodingizda bo‘lsa, Petrov o‘tgan mavsum avvalida "Mash’al"dan qo‘qonliklar safiga ko‘chib o‘tgandi.

Tez orada klub yana yangi transferlarni e’lon qilishi kutilmoqda.