"Қўқон-1912" эртага янги футболчиларни таништиради

Бугун жамоа аъзоларига бир кунлик дам берилган. Бу ҳақда клуб матбуот хизмати хабар берди.

27 март куни "Қўқон-1912" клуби Қўқон шаҳрида ўз мухлислари билан учрашади. Учрашув Қўқондаги "Марказий" стадионида соат 11:30да бошланади. Мухлислар ва жамоатчилик вакилларига жамоа таркибига янги қўшилган футболчилар таништирилади.

"Андижон" жамоасига қарши бўлиб ўтадиган "водий дербиси"дан олдин мухлислар ўзларининг севимли футболчилари билан учрашадилар. Тадбирда жамоа раҳбарияти, мураббийлар штаби, Қўқон шаҳар хокимлиги вакиллари иштирок этишади.