Qatar o‘z maydonida Kosta-Rika bilan durang o‘ynadi

FIFA kunlari munosabati bilan terma jamoalar o‘rtasidagi xalqaro o‘rtoqlik uchrashuvlari bo‘lib o‘tmoqda.

Bugun amaldagi Osiyo chempioni Qatar terma jamoasi o‘z maydonida Kosta-Rikaga qarshi bahs olib bordi. Qiziqarli kechgan o‘yin 1:1 hisobida durang bilan yakunlandi. Dastlab, 42-daqiqada mezbonlar a’zosi Xassan Al-Xaydos gol urdi va Qatarni oldinga olib chiqdi. Ammo 67-daqiqada Xoel Kempbell hisobni 1:1 ko‘rinishiga keltirib qo‘ydi va bu hisob o‘yin yakunigacha o‘zgarmay qoldi.