ПСЖ хўжайинлари Мбаппени хиёнатда айбламоқда

“Пари Сен-Жермен” раҳбарияти ҳужумчи килиан Мбаппенинг ўзини тутишидан норози бўлмоқда, деб хабар бермоқда L’Equipe нашри.

Манбанинг таъкидлашича, ҳужумчининг клуб хўжайинлари билан муносабати кескин ёмонлашиб бормоқда.

Хўжайинлар Мбаппе мўмай даромадли шартнома имзоланганидан кейин жамоадан кетишни истаётганини хиёнат сифатида баҳоламоқда. Бундан ташқари, Килиан раҳбариятга ўз талаблари билан босим ўтаётгани ҳам футболчи томонидан катта хато бўлаётгани таъкидланмоқда.

Мбаппе ҳужумда эркинроқ ўйнаш учун жамоага Роберт Левандовски олиб келинишини ва Неймарнинг сотиб юборилишини кутганди. Лекин клуб раҳбарияти бу ишни амалга ошира олмаганидан кейин франциялик 23 ёшли ҳужумчи очиқчасига норозилигини намойиш этмоқда ва жамоадан кетиш ҳаракатига тушиб қолган.