ПСЖ Неймарга янги шартнома таклиф қилади

ПСЖ клуби "Барселона"га қайтишга уринаётган ҳужумчиси Неймарни жамоада сақлаб қолмоқчи.

Машҳур журналист Никола Скиранинг хабар қилишича, Париж клубининг спорт директори Леонардо 28 ёшли форвардга 2025 йилга қадар амал қилувчи битим таклиф қилмоқчи ва унинг маошини йилига 38 млн евро қилиб белгилайди.

Эслатиб ўтамиз, бразилиялик футболчининг амалдаги шартномаси 2022 йилнинг июнида ўз ниҳоясига етади ва йилига 31,6 млн евро маош ишлаб топади.

Неймар жаҳоннинг энг кўп маош олувчи футболчилари рўйхатида Криштиану Роналду ва Лионель Мессидан кейин учинчи ўринда туради.