Постекоглу "Ноттингем Форест"нинг янги бош мураббийи бўлади

"Ноттингем Форест" жамоаси яқин соатларда янги бош мураббийни эълон қилади. "The Athletic" нашрининг хабарига кўра, клубга австралиялик мутахассис Анже Постекоглу тайинланиши кутилмоқда. Расмий қарор 24 соат ичида эълон қилиниши режалаштирилган.

Аввалроқ "Форест" раҳбарияти Нуну Эшпириту Сантуни "сўнгги ҳолатлар туфайли" лавозимидан озод этганди. Португалиялик мураббийнинг сўзларига кўра, унинг клуб эгаси Евангелос Маринакис билан муносабатлари ёмонлашган.

Эслатиб ўтамиз, Постекоглу ўтган ёзда "Тоттенхэм"дан бўшатилганди. У 2023 йилдан бошлаб "шпорлар"ни бошқариб келган ва ўтган мавсумда жамоа билан Европа Лигасида ғолиб чиққан.