Portugaliyalik himoyachi Turkiyaning grand klubiga yo‘l olmoqda

  • 31 iyul, 01:06
  • Bilolbek Imomov
  • 0
  • Futbol
CHERY AUTO

Portugaliya terma jamoasi himoyachisi Nelson Semedu faoliyatini Turkiyada davom ettiradi. Jurnalist Fabritsio Romanoning ma’lum qilishicha, 31 yoshli futbolchi "Fenerbaxche" bilan shartnoma imzolash uchun Istanbulga yo‘l olgan.

Tecno

Shuningdek, yaqin kunlarda Turkiya klubi safini Milan Shkrinyar bilan ham to‘ldirishi kutilayapti. U faqat tibbiy ko‘rikdan muvaffaqiyatli o‘tishi va hujjatlarni imzolashi kerak.

Semedu ilgari "Benfika", "Barselona" va "Vulverxempton" klublarida to‘p surgan. U angliyalik klubni erkin agent sifatida tark etdi. O‘tgan mavsumda u 38 ta o‘yinda ishtirok etib, 5 ta golli uzatma berdi va 9 marta sariq kartochka oldi.

Portugaliya terma jamoasi safida himoyachi ikki marta UEFA Millatlar ligasida g‘olib chiqqan va Konfederatsiyalar kubogida bronza medaliga sazovor bo‘lgan. Uning transfer narxi 9 million evroga baholanmoqda.

Fikrlar

Sort comment:
Fikr qoldirish uchun avtorizatsiyadan o'ting!