Португалиялик ҳимоячи Туркиянинг гранд клубига йўл олмоқда

Португалия терма жамоаси ҳимоячиси Нелсон Семеду фаолиятини Туркияда давом эттиради. Журналист Фабрицио Романонинг маълум қилишича, 31 ёшли футболчи "Фенербахче" билан шартнома имзолаш учун Истанбулга йўл олган.

Шунингдек, яқин кунларда Туркия клуби сафини Милан Шкриньяр билан ҳам тўлдириши кутилаяпти. У фақат тиббий кўрикдан муваффақиятли ўтиши ва ҳужжатларни имзолаши керак.

Семеду илгари "Бенфика", "Барселона" ва "Вулверхэмптон" клубларида тўп сурган. У англиялик клубни эркин агент сифатида тарк этди. Ўтган мавсумда у 38 та ўйинда иштирок этиб, 5 та голли узатма берди ва 9 марта сариқ карточка олди.

Португалия терма жамоаси сафида ҳимоячи икки марта УЕФА Миллатлар лигасида ғолиб чиққан ва Конфедерациялар кубогида бронза медалига сазовор бўлган. Унинг трансфер нархи 9 миллион еврога баҳоланмоқда.