Pochettino yozda superyulduzni olib keladi

PSJning yangi bosh murabbiyi Maurisio Pochettino jamoada o‘zgarish qiladi. Xususan, argentinalik mutaxassis yozgi transferlarga katta umid bog‘lamoqda.

Ma’lumotlarga qaraganda, PSJning yozdagi eng asosiy transfer nishoni “Manchester Siti”ning superhujumchisi Serxio Aguero bo‘ladi.

Aguero manchesterliklar safida 2011 yildan beri o‘ynamoqda. U jamoaning eng zo‘r to‘purari hisoblanadi. Biroq,  keyingi paytda argentinalik hujumchi jarohatlar tufayli o‘zini ko‘rsata olmayapti. Uning shartnomasi yozda yakunlanadi.

Pochettino hamyurtini PSJga erkin agent sifatida kelishga ko‘ndirmoqchi.