Петер Шмейхель Рубен Аморимга муҳим маслаҳатни берди

Англия Премьер-лигасининг 4-турида "Манчестер Юнайтед" дербида "Манчестер Сити"га 0:3 ҳисобида мағлуб бўлди. Ҳозирда жамоа 4 турдан кейин 4 очко тўплаб, 14-ўринни эгаллаб турибди. Ушбу вазиятга "қизил иблислар"нинг собиқ посбони ҳисобланган футболчи ўз фикрлари билан ўртоқлашди.

"Ҳозирги "Манчестер Юнайтед"га қараб, жамоа олдинга силжимаётгандек туюлади. Ҳаммаси ўша-ўша. "Манчестер Сити"га ҳатто катта куч сарфлаш ҳам шарт эмасди.

Фикримча, Аморим айрим ўзгаришлар ҳақида ўйлаши керак. Тизимни шундай қилиб ўзгартириш лозимки, футболчилар ўзларига хос услубда ўйнай олишсин. Тўртта ҳимоячи билан ўйинга ўтиш керак", – деди МЮнинг собиқ дарвозабони Петер Шмейхель.